足球少了一個朋友【文：ss】

當深霄睇波，賽果一面倒的時候，聽倒有人話「波係圓既」．．總會令你挨眼訓睇埋落去。

有球迷問伍晃榮點解波係圓，佢答:「波係四方架咩?」

有次舒麥加表代明星隊踢國際表演賽時，射左球冇力既波躂Q，伍晃榮就話：「你都係返去渣車啦．．．」

有次影到基斯普係練習時煲粥，伍冕榮就幫佢配 VO：「信我啦，五球，我地會贏五球．．．」

費高生日的時候入波，伍晃榮：「費高，生日快樂．．．」

有次有場比賽個球證係咁出錯，第一次佢就話，球證出錯好平常；第二次就話，球賽出錯係好平常；第三次，佢就話，球證出錯．．．又出錯？！．．．

好耐之前有次巴西聯賽，個右閘係度插花玩野，點知俾人偷左個波，仲俾人射入埋，伍晃榮話：「反(玩)啦，反(玩)啦，反(玩)死啦．．．」

球員輸左波係度捂晒面，訓係地下佢會話：「哎呀，唔得咪下次 lor，傻豬黎既．．．」

有次李健和係小禁區一接即抽，抄飛機伍晃榮話：「港聯對瑞典李健和接應長傳第一時間抽射．．．呢個係李健和既看家本領，不過佢當fit果時射都係咁上下．．．」

有場比賽有連續兩次烏龍球．．．伍晃榮：「有乜野比送一個大禮更好？就係送兩個大禮．．．」

韋利有球門前飛機，佢話:「世界級前鋒喎．．．」

世界盃時，佢話：「抹去呢個十二碼，英格蘭今場係贏左阿根廷既．．．」

有次球波兩三碼飛機，伍晃榮就話．．．「拿．．．你睇下，某球員而家表演唔入重難過入！」

「有個罰球係右路偏左，唔係唔係，係右路偏右至o岩．．．」差唔多到邊線位置，跟住一射入左，大約四十碼左右，佢話：「大家落足眼力去睇喇！皮球好似有生命既怪物咁飛入網窩，可憐既守門員連波皮都掂唔到．．．」

當碧咸剛到皇馬時，伍晃榮話：「卡路士更教碧咸講西班牙話，係更衣室處，盡是西班牙粗口，莫非卡路士教碧咸既係．．．」

「有乜野好過入一球？咪就係入兩球 lor」

無線電視記者，伍晃榮報導