對話兩則

昨晚－
炸彈人（扁著咀）：「我次次讀 Raz-kids，d同學就 tease 我，話我『渣』…」
領袖（急忙準備外出下仍不忘急忙安慰）：「唔緊要架，最緊要比心機學，每個字都要識讀先有用，唔識讀升左 level 都無用…下次同學仔話你，你就話我爸爸話慢唔緊要既，最緊要學得識，知唔知？」
炸彈人（愉快地準備睡覺）：「知道啦！依 ~~~ 你咁夜去邊度丫？」
一_一"

今早－
領袖：「炸彈人都係唔係讀書既材料架啦」
我：「？！佢第日要讀 oxford、harvard 個喎」
領袖：「次次講完都唔記得，無d上進心」
我：「咁咪要去做創意產業？煲呔話讀唔到書個d就係做創意產業」
領袖：「我地呢d跑開馬拉松，無咁快發力既」
我：「咁第日去非洲讀剛果大學囉」

其實，將來的一切是定了，只是我們沒法預知；當人生去到那一個點，預定的東西，不論你喜歡與否，自然會走出來。炸彈人將來讀牛頭角津貼的牛津，還是哈爾濱佛教的哈佛不是重點，只要她培養出良好的品格，她的人生自有它精彩的一面。

又係時候講句：「交俾你啦，領袖…」哈哈！