farewell

今日炸彈人要交回 upper 班留位的回條…填回條時–

我「係咪真係填 cancellation 架？」
領袖（正在煮午飯）（驚訝地呆望著我）「又問？！」
我「反覆互煎一下 ar ma…」

雖然我十分期待炸彈人八月後的新生活，但未能在此幼稚園畢業確是有點失落，總是好像欠缺了什麼似的…我就是這麼矛盾…看見現在讀 upper 班的小朋友在學 farewell song，其中有一句是「these are the things that make us bright」，很感慨哩…離校時一定要和炸彈人拍多些照片留念。

我「聽日交回條俾 miss chang，話佢知你唔讀 upper 班，去讀小學啦」
炸彈人（狀甚興奮）「好呀，可以日日食燒賣同埋買 yakult」

炸彈人真的很喜歡吃，和炸彈人去吃早餐，她能夠吃下三塊麥當當熱香餅再加三分一碗大家樂火腿通粉（走火腿）再再加麥當當細橙汁，當你問炸彈人為何她能吃這麼多的東西，又吃得這麼快時，她反問：「你話咁樣好唔好丫？你話丫．．」我們不置可否，再重複問她時，她說：「食多d野健康d ar ma…」

另，看見我小學的中學的小學情況，再三證明選擇國際學校這條路是比較適合我們一家大小–

• 紀律比賽，有違規紙：午飯後談話–違規，小息時嬉戲–違規（乜小息唔係玩既咩？！）水壺無貼名–違規，無帶足六支鉛筆–違規…
• 校車有秘密警察，紀錄大聲說話和嬉戲的同學
• 有家長向老師反映，說學校重視罰多過賞，難得老師還笑笑回應：「係呀，呢方面我地比較嚴謹…」

一_一"

炸彈人星期六在哥哥&姐姐 nasa 家過了一個盡興的下午，回家時–

炸彈人（一落樓梯）「下次不如叫亞 dee 搬去一樓丫」
我「點解呢」
炸彈人「咁…可能佢間屋好舊，會爛晒架嘛，咪要搬lor」
我「但點解要搬去一樓呢」
炸彈人「近d咪唔駛行咁遠 lor…」

說得又是，哈哈！